Punëtoria për partneritetin publiko civil që organizohet para konferencës “Ose/Ose: Rrjetet e Kulturës” ka për qëllim që të bëjë bashkë punëtorët e kulturës dhe administratës shtetrore që të vijn me propozime për një model të partneritetit publiko civil për menaxhimin e hapësirave publike me potencial kulturor në Kosovë.
Konferenca “Ose/Ose: Rrjetet e Kulturës”, do të trajtoj
- (1) Punën e rrjeteve kulturore (funksionaliteti dhe roli i tyre),
- (2) Bashkëpunimin e rrjeteve kulturore me rrjetet tjera,
- (3) Partneritetin publiko civil për qeverisjen e infrastrukturës publike dhe
- (4) Qëndrueshmërinë e sektorit kulturor.
Brenda konferencës do të elaborohet artikulimi i politikave kulturore në Kosovë dhe si kanë kontribuar rrjetet e organizatave të kulturës në format e organizimit, përfaqësimit dhe të artikulimit kulturor.
Kush mund të marrë pjesë në punëtori:
- Punëtorët kulturor të institucioneve të pavarura të kulturës
- Punëtorët e administratës shtetërore me interes të bashkëpunimit me skenën e pavarur të kulturës
- Studentët e fushave relevante
Nga kjo punëtori, duhet të krijohet një propozim për menaxhimin e një hapësire publike/shoqërore e cila do të prezantohet në konferencën “Ose/Ose: Rrjetet e Kulturës” në Kinema Jusuf Gërvalla në Pejë.
Datat: 1-2 Nëntor 2022
Lokacioni: Kinema Jusuf Gërvalla, Pejë
Shpenzimet që do të mbulohen: Shpenzimet e udhëtimit dhe të akomodimit në Pejë do të jenë të mbuluara.
Numri i pjesëmarrësve: 15
Si të aplikoni: Ju lusim që të plotësoni këtë formularë deri me datën 28/10/2022 në orën 16:00.
Punëtoria është mundësuar me mbështetjen financiare të Bashkimit Evropian, në kuadër të projektit "Partneriteti Publik-Civil për Qeverisje Inovative të Infrastrukturës Publike" të zbatuar nga Anibar, Lumbardhi, 7 Arte, dhe Pogon. Përmbajtja e kësaj punëtorie është përgjegjësi e Anibar dhe nuk pasqyron domosdoshmërisht pikëpamjet e Bashkimit Evropian.