Më 23 - 24 dhjetor është mbajtur Kuvendi i Dytë i Anëtarëve të RrOK Peja. Për shkak të situatës me pandeminë COVID-19 dhe masave të ndërmarra nga institucionet relevante, ky kuvend është mbajtur virtualisht.
Viti që po e lëmë pas ka goditur direkt organizatat anëtare të RrOK Peja duke pamundësuar aktivitete vetanake e të përbashkëta siç ishin planifikuar.
Duke e lënë këtë vit, fokusi i RrOK Peja për vitin tjetër do të jetë te krijimi i një kalendari të përbashkët kulturor, realizimi i një aktiviteti të përbashkët dhe marrja në menaxhim të një hapësire publike me potencial të tranformimit në një hapësirë kulturore.
Në këtë kuvend virtual dy-ditor ku morën pjesë shumica e organizatave anëtare të RrOK Peja, u anëtarësua edhe organizata Peja Rock School. Si pjesë e Kryesisë së RrOK Peja, nga Kori Siparantum në vend të të ndjerit Fatmir Bajraktari i cili vdiq këtë vit, u emërua Tomorr Avdyli.
Pejë, 2020.