Njëzet e pesë vjet pas rënies së sistemit një partiak të vendit, ende shumë pak dihet për kinemanë shqiptare. Gjatë katër dekadave e gjysmë të sundimit komunist, krijuesit e filmave në kompleksin e Kinostudios prodhuan 232 filma të gjatë, mijëra dokumentarë, lajme dhe qindra filma të animuar.Me fundin e regjimit komunist në vitin 1991, regjisorët shqiptarë u ballafaquan me një diskurs të ri politik ku mund të reflektonin haptazi mbi historinë e vendit. Shumë prej këtyre regjisorëve e shfrytëzuan këtë mundësi për t'u marrë me trashëgiminë e diktaturës së Hoxhës. Të tjerët sollën tregime dramatike të korrupsionit dhe ngritjen e papritur të veprimtarisë kriminale të shkaktuar nga kalimi i papritur në kapitalizmin e tregut. Lufta civile e vitit 1997 pothuajse stagnoi prodhimin e filmit shqiptar tërësisht. Filmat Dasma e Sakos (1998) e Vladimir Priftit u përfunduan në rrethana jashtëzakonisht të vështira. Përbërë nga filma të shkurtër dhe të gjatë, animacion dhe dokumentar, ky program i filmave ofron një paraqitje të shkurtër të një kombi që lufton me të kaluarën e vet tronditëse dhe ndikimin e tij të vazhdueshëm në të tashmen.Ky program i filmit është mundësuar me mbështetjen financiare të Bashkimit Europian. Përmbajtja e tij është përgjegjësi e Lumbardhit dhe e Arkivës Qendror Shtetëror të Shqipërisë dhe jo domosdoshmërisht reflekton pikëpamjet e Bashkimit Europian.
29 January 2022 - 10:28